ڕۆژی دووشەممە (٧ـی تەمموزی ٢٠٢٥)، بە ئامادەبوونی یاریدەدەرانی سەرۆکی زانکۆ و ژمارەیەک لە ڕاگری کۆلێجەکان و بەڕێوەبەری بەڕێوەبەرایتییەکانی زانکۆ و فەرمانبەران، پرۆژەی کۆگای گەنجینەی زانکۆی گەرمیان لەلایەن سەرۆکی زانکۆوە کرایەوە.
لەگەڵ دەستبەکاربوونی (پرۆفیسۆر د.ئاراس فەریق زەینەڵ) وەک سەرۆکی زانکۆ، هەوڵەکانی چڕکردەوە بۆ بەگەڕخستنەوەی پرۆژە ڕاگیراوەکانی زانکۆی گەرمیان و لەو نێوەندەشدا پرۆژەی دروستکردنی کۆگای گەنجینەی زانکۆ کە ماوەی (١١) ساڵ کارکردن تێیدا ڕاگیرابوو، لە ڕێکەوتی (١٠ـی ئایاری ٢٠٢٥) کارکردن تێیدا دەستیپێکردەوە و لەماوەی کەمتر لە دوو مانگدا توانرا پرۆژەکە تەواو بکرێت.
دروستکردنی کۆگای گەنجینەی زانکۆی گەرمیان بەتێچووی (٩٩) ملیۆن دینار بە ڕووبەری (١٠٠٠) مەتر دووجا، لەلایەن بەشی ئەندازە و پرۆژەکانی زانکۆوە سەرپەرشتی و جێبەجێکراوە
بڕیارە لە چەند ڕۆژی داهاتووشدا، کارکردن لە دروستکردنی کتێبخانەی ناوەندی زانکۆ دەستپێبکاتەوە، کە ماوەی زیاتر لە (١٠) ساڵە کارکردن تێیدا ڕاگیراوە.