بەڕێوەبەرایەتی تەندروستی و سەلامەتی زانکۆی گەرمیان

١. پێناسە و ئامانج

بەڕێوەبەرایەتی تەندروستی و سەلامەتی بەپێی پەیکەری پەسەندکراوی زانکۆ، لەڕووی کارگێڕییەوە سەر بە سەرۆکی زانکۆیە.کە ئەرکی سەرەکی پاراستنی گیانی فەرمانبەران، مامۆستایان و خوێندکارانە، هەروەها پاراستنی ژینگە و سامانی گشتی زانکۆیە. ئەم بەڕێوەبەرایەتییە کاردەکات بۆ فەراهەمکردنی ژینگەیەکی کارکردن و خوێندنی بێ مەترسی و تەندروست بەپێی ستاندارد و رێنماییە نێودەوڵەتییەکانی سەلامەتی.

٢. ئەرك و کارەکانی بەڕێوەبەرایەتی

ئەرکەکانی ئەم بەڕێوەبەرایەتییە دابەش دەبن بەسەر چەند لایەنێکی سەرەکیدا:

·        سەلامەتی تاقیگە و شوێنە زانستییەکان:

چاودێریکردنی بەردەوامی تاقیگە زانستییەکان بۆ دڵنیابوونەوە لە بەکارهێنانی ماددە کیمیایی و بایۆلۆجییەکان بە شێوەیەکی درووست.

دابینکردنی کەرەستەی خۆپارێزی (PPE) و دڵنیابوونەوە لە بەکارهێنانیان لەلایەن خوێندکاران و توێژەرانەوە.

لەناوبردنی پاشماوەی ماددە مەترسیدارەکان (کیمیایی، بایۆلجی و پزیشکی) بە شێوەیەکی زانستی و ژینگەدۆست.

·        بەرگری شارستانی و خۆپارێزی:

پشکنینی بەردەوام بۆ سیستەمی ئاگرکوژێنەوە، رێرەوەکانی فریاکەوتن و ئامێرەکانی ئاگادارکردنەوە.

دروستکردنی تیمەکانی فریاگوزاری خێرا لەناو کەمپەس و کۆلێجەکاندا بۆ هەر حاڵەتێکی نەخوازراو.

نەخشەکێشانی پلانی چۆڵکردنی بیناکان (Evacuation Plan) لەکاتی ڕوودانی کارەساتدا.

·        تەندروستی و ژینگە:

چاودێریکردنی پاکوخاوێنی (Hygiene) لە کافتریاکان و بەشە ناوخۆییەکان بۆ دڵنیابوونەوە لە سەلامەتی خۆراك.

ئەنجامدانی هەڵمەتی هۆشیاری تەندروستی و چاودێریکردنی سەوزایی و پاکیی ژینگەی زانکۆ.

هەماهەنگی لەگەڵ بەڕێوەبەرایەتی تەندروستی گشتی کەلار بۆ دابینکردنی پێداویستی فریاگوزاری و دەرمان.

·        ڕاهێنان و هۆشیاری:

کردنەوەی خولی ڕاهێنان بۆ ستاف و خوێندکاران دەربارەی چۆنیەتی مامەڵەکردن لەگەڵ ئاگر و فریاگوزاری سەرەتایی.

بڵاوکردنەوەی ڕێنمایی و پۆستەری تایبەت بە سەلامەتی لە ناو هۆڵ و ڕێرەوەکاندا.

·        کارگێڕی و بەدواداچوون:

تۆمارکردنی هەر ڕووداوێکی نەخوازراو و ئەنجامدانی لێکۆڵینەوە بۆ زانینی هۆکارەکان و ڕێگریکردن لە دووبارەبوونەوەیان.

بەرزکردنەوەی ڕاپۆرتی هەفتانە و مانگانە بۆ سەرۆکایەتی زانکۆ و وەزارەتی خوێندنی باڵا و توێژینەوەی زانستی دەربارەی دۆخی سەلامەتی زانکۆ.

٣. زانیارییەکانی بەڕێوەبردن

بەرێوەبەر: ارکان محمد حسن

ژمارەی فەرمانبەر: چوار (٤)

ژمارەی تەلەفوون: (00964 7701948390)

ئیمەیڵ:{arkan.muhamad@garmian.edu.krd}