بەڕێوەبەرایەتی بەشەناوخۆییەکان لە ڕووی پەیکەری کارگێڕیەوە سەر بە یاریدەدەری سەرۆكی زانكۆیە بۆ كاروباری خوێندكاران، بەڕێوەبەری بەشە ناوخۆییەکان سەرپەرشتی کارەکانی ئەم بەڕێوەبەرایەتیە دەکات، کاری سەرەکی ئەم بەڕێوەبەرایەتیە بریتیە لە ڕێکخستن و چاودێری کردنی کاروباری بەشەناوخۆییەکانی کچان و کوڕانی زانکۆی گەرمیان لە كەمپی زانكۆ و دابین کردنی خزمەتگوزارییەکان بەشێوەیەکی بەردەوام، کە بەشێوەیەکی گشتی بریتین لە ڕێکخستن و دابەشکردنی ژوور بەسەر خوێندکاران دا، دابینکردنی خزمەتگوزاری پاک و خاوێنی، هەوای ساردو گەرم، ئاوو کارەباو غازی بەردەوام، ئاوی گەرم و ئاوی خواردنەوەی خاوێن، دابین کردنی کارمەندی چاککەرەوەو پاککەرەوە بەشێوەی بەردەوام، دابین کردنی ئامێری بەفرگرو جل شۆرو تەباخی غاز، لەگەڵ چەندین خول و خزمەتگوزاری تر کە لەماوەی ساڵانی خوێندن دا پێشکەش بە خوێندکارانی بەشەناوخۆیی دەکرێ .

لەبەشەناوخۆییەکاندا بەشێوەیەکی بەردەوامی ٢٤ کاتژمێری چاودێری ئێشکگر دابین دەکرێت و لەکاتی ڕوودانی هەر ڕووداوێکی نەخوازراودا ئامادەییان دەبێت.

زانكۆی گەرمیان ساڵانە گرێبەست لەگەڵ ٢ کۆمپانیای خزمەتگوزاریدا ئەنجام دەدات بۆ بەشەناوخۆییەكانی زانكۆمان کەبریتین لە:

1. کۆمپانیای پاککەرەوەی بەشەناوخۆییەکان.

2. کۆمپانیای چاککردنەوەو ئیش پێکردنی ئامێرەکانی بەشە ناوخۆیی.

ئەم بەڕێوەبەرایەتیە خاوەنی ٤ باڵەخانەی ٥ نهۆمیە ( ٢ کوڕان، ٢ کچان) لە قەزای كەلار، ساڵانە بەکۆی گشتی نزیکەی ١٤٠٠ تا وەكو ١٥٠٠ خوێندکار تیایدا دەمێنێتەوە.

بەڕێوەبەرایەتی بەشەناوخۆییەكان لە ئێستادا خاوەنی ٤٠ فەرمانبەری ( میلاک و گرێبەست)ە كە كاروبارەكانی بەڕێوەبەرایەتیەكە لەبینای بەڕێوەبەرایەتی و بەشەناوخۆییەكانی كچان و كوڕان بەڕێوە دەبەن.

• ناوی بەڕێوەبەر

سروت احمد عثمان

هۆبەكانی بەڕێوەبەرایەتی بەشەناوخۆییەكان:

ئەم بەڕێوەبەرایەتیە لە ٤ هۆبەی سەرەكی پێك دێت بەم شێوەیەی لای خوارەوە:

هۆبەی بەشەناوخۆیی کوڕان

ناوی لێپرسراوی هۆبە: دلیر عمر عبدالکریم

هۆبەی بەشەناوخۆیی کچان

ناوی لێپرسراوی هۆبە: چيمن محمد محمد كريم

هۆبەی كۆگا

ناوی لێپرسراوی هۆبە: ڕێڤین صابر امین

هۆبەى هونەرى

ئەم هۆبەیە لە پەیكەری كارگێڕی بەڕێوەبەرایەتیەكەدا هەیە بەڵام لە ئێستادا هیچ فەرمانبەرێكی نیە.