بەڕێوەبەرایەتی سەنتەری پەرەپێدانی کار لە ساڵی (٢٠١٥)ـەوە لە چوارچێوەی هەیکەلی زانکۆی گەرمیاندا کارا بووە و ڕاستەوخۆ بەستراوەتەوە بە نوسینگەی بەڕێز سەرۆکی زانکۆوە. ئامانجی سەرەکی سەنتەر دروستکردنی پردی پەیوەندییە لە نێوان بازاڕی کار و زانکۆ، ئەویش بە مەبەستی ڕەخساندنی دەرفەتی ئەزمونێکی کردەکی بۆ خوێندکارانی زانکۆ کە تیایدا لە ڕێگەی پرۆگرامی ڕاهێنانی تواناکانی هاوین لە ناوەندێکی کەرتی تایبەتی نزیک لە پسپۆرییان کاربکەن. سەرەڕای ئەوەش، سەنتەری پەرەپێدانی کار لە ڕێگەی کردنەوەی ژمارەیەک خول و سیمینار و وەرکشۆپی تایبەت بە فێربوونی زمان و کارامەیی کۆمپیوتەر و ئامادەکردنی سیڤی و هونەرەکانی چاوپێکەوتنی کار یارمەتی دەرچووانی زانکۆ دەدات لە دۆزینەوەی کار. بەڕێوەبەرایەتی سەنتەری پەرەپێدانی کاری زانکۆی گەرمیان لە دوو هۆبە پێک دێت، ئەوانیش هۆبەی هەماهەنگی و ڕاهێنانی تواناکان و هۆبەی هەماهەنگی سەنتەر لەسەر ئاستی کۆلێج.
.بەپێی پەیکەری پەسەندکراوی زانکۆ، ئەم بەڕێوەبەرایەتییە سەر بە سەرۆکی زانکۆیە.
هۆبەکانی سەنتەر: هۆبەی هەماهەنگی و ڕاهێنانی تواناکان، هۆبەی هەماهەنگی سەنتەر (لە ئاستی کۆلێج)
بەڕێوەبەر: چنور محمود فتاح
ژمارەی ستاف: ٧