لە وۆرکشۆپێکی زانستییدا، هەنگاوەکانی کاریگەریی کارسازی پشتبەست بە سەرچاوەکانی سەنتەری کارسازی زانکۆ ئەمریکییەکان بۆ خوێندکارانی زانکۆی گەرمیان ڕوونکرایەوە.
ڕۆژی دووشەممە (١٠ـی شوباتی ٢٠٢٥) لە هۆڵی شێروانە/کەمپی زانکۆ، بەناونیشانی (٢٤ هەنگاوی کاریگەریی کارسازی) وۆرکشۆپێک لەلایەن (پرۆفیسۆری یاریدەدەر بیابان نوری و مامۆستای یاریدەدەر محەمەد تالب) ڕاهێنەرانی کارسازی زانکۆی گەرمیانەوە بۆ ژمارەیەک لەخوێندکاران ئەنجامدرا، کە بە پشتبەستن بە سەرچاوەکانی سەنتەری کارسازی زانکۆی (MIT)ی ئەمریکی، ئەو هەنگاوانە باسکرا.
وۆرکشۆپەکە بەشێکە لە زنجیرە وۆرکشۆپێک لە چوارچێوەی پرۆژەی (Entrepreneurship Center)ی ڕێکخراوی ئایرێکسی ئەمریکی و زانکۆی (MIT) بۆ ناساندن و هاوکاریکردنی خوێندکارانی زانکۆمان بە بیرۆکەی کارسازی و هەروەها دەستپێکردنی پرۆژەی خۆیان.