ڕۆژی چوارشەممە (٥ـی شوباتی ٢٠٢٥) سەرۆکایەتی زانکۆی گەرمیان مەراسیمێکی ڕێزلێنانی بۆ ئەو مامۆستا و فەرمانبەرانە ڕێکخست کە خانەنشین بوون.
مەراسیمەکە بە ئامادەبوونی (پرۆفیسۆر د.ئاراس فەریق زەینەڵ) سەرۆکی زانکۆی گەرمیان و یاریدەدەرانی سەرۆکی زانکۆ و ڕاگری کۆلێجی پەروەردەی بنەڕەت، لە هۆڵی (شێرکۆ بێکەس) بەڕێوەچوو، وەک وەفایەک بۆ ئەو کار و خزمەتەیان لە چەند ساڵی تەمەنی کارکردنیاندا بە زانکۆیان بەخشیوە.
لە وتەیەکیشدا سەرۆکی زانکۆی گەرمیان باسی لەو خزمەتە بێوچان و بەرچاوەی ئەو پۆلە مامۆستا و فەرمانبەرە کرد کە تەمەنێکیان لە خزمەتکردن بە نیشتمان و دامەزراوەکانی حکومەت بەخشیوە، لەکۆتا وێستگەشیاندا خزمەتێکی زۆری زانکۆی گەرمیانیان کردووە.
لە کۆتاییشدا، بڕوانامەی ڕێزلێنان بەسەر خانەنشین بووەکاندا دابەشکرا، کە ژمارەیان (٢٥) مامۆستا و فەرمانبەرە.