بەمەبەستی لەنزیکەوە ئاگاداربوون و بەدواداچوون بۆ ڕەوتی زانستی و ئەکادیمی لە کۆلێجەکانی خانەقین، ڕۆژی چوارشەممە (٢٩ـی تشرینی یەکەمی ٢٠٢٥)، (پرۆفیسۆری یاریدەدەر د.محەمەد ئیبراهیم خەلیل) یاریدەدەری سەرۆکی زانکۆ بۆ کاروباری زانستی و خوێندنی باڵا سەردانی خانەقینی کرد.

لەو سەردانەدا، کە هەریەک لە ( د.شێرزاد عەلی ئەحمەد) بەڕێوەبەری خوێندنی باڵا و کاروباری زانستی و (پرۆفیسۆری یاریدەدەر سالار مەحمود) بەڕێوەبەری پەیوەندییە ئەکادیمییە نێودەوڵەتییەکانی زانکۆ یاوەریبوون، (پرۆفیسۆری یاریدەدەر د.محەمەد ئیبراهیم خەلیل) کۆلێجەکانی زمان و زانستە مرۆڤایەتییەکان، کۆمپیوتەر و تەکنۆلۆجیای زانیاری، پەروەردەی جەستەیی و زانستە وەرزشییەکان) بەسەرکردەوە.

لەوچوارچێوەیەدا، سەردانی هۆڵەکانی خوێندن و تاقیگەکانیان کرد و لەنزیکەوە بەدواداچوونیان بۆ بەڕێوەچوونی ڕەوتی زانستی و ئەکادیمی لەو کۆلێجانە کرد.