بەمەبەستی پەرەپێدانی پەیوەندییە زانستیی و ڕۆشنبیرییەکان و ئەنجامدانی کار و چالاکی هاوبەش، ڕۆژی پێنجشەممە (٢٨ـی ئابی ٢٠٢٥) زانکۆی گەرمیان یاداشتێکی لێکتێگەیشتنی لەگەڵ دامەزراوەی کەریمی عەلەکە ئیمزاکرد.
شاندێکی سەرۆکایەتی زانکۆی گەرمیان بە سەرۆکایەتی (پرۆفیسۆر د.عزەدین جمعە درویش) یاریدەدەری سەرۆکی زانکۆ بۆ کاروباری کارگێڕی و دارایی و ( پرۆفیسۆری یاریدەدەر د.عەدنان مەحمود) ڕاگری کۆلێجی زانست و (پرۆفیسۆری یاریدەدەر سالار محمود) بەڕێوەبەری پەیوەندییە ئەکادیمیەکانی زانکۆ، سەردانی دامەزراوەی کەریمی عەلەکەیان کرد لە شاری سلێمانی و لەلایەن (شاخەوان سدیق) بەڕێوەبەری دامەزراوەکە پێشوازییان لێکرا.
ئامانجی سەردانەکە، ئیمزاکردنی یاداشتنامەیەکی لێکتێگەیشتن بوو لەگەڵ دامەزراوەی کەریمی عەلەکە.
دامەزراوەی کەریمی عەلەکە، دامەزراوەیەکی ڕۆشنبیریی کەلتورییە و گرنگیدەدات بە پرسەکانی ڕۆشنبیری و زمان و کەلتور.
بۆ خوێندنەوەی ناوەڕۆکی یاداشتی لێکتێگەیشتنەکە کلیک لێرە بکە