ڕۆژی پێنجشەممە (٨ـی ئایاری ٢٠٢٥)، بە بەشداری چەند پسپۆڕێکی مێژوویی لە هۆڵی (شێروانە)ی کۆلێجی زانست دیداری سەلاحەدینی ئەیوبی لە زانکۆی گەرمیان لە چوارچێوەی دوو پانێڵدا سازکرا.

پانێڵی یەکەم پێکهاتبوو لە:

١- پرۆفیسۆر د.ئاراس فەریق زەینەڵ - سەرۆکی زانکۆی گەرمیان، ناونیشانی بابەت: سەلاحەدینی ئەیوبی شکۆیەکی نەتەوەیی دور لە تەقدیس.

٢- پرۆفیسۆری یاریدەدەر د.ئیسماعیل شەمس- مامۆستا لە زانکۆی علامە طباطبائی/ تاران، ناونیشانی بابەت: سەلاحەدینی ئەیوبی لە نێوان ململانێی سێ ڕەوتی ئەکادیمی، ئایدیۆلۆژی و نیشتمانی.

٣- د.یاسین تەها - مامۆستا لە زانکۆی سلێمانی، ناونیشانی بابەت: سەلاحەدینی ئەیوبی لە نێوان نووسینەوەی مێژوویی و وەبەرهێنانی مێژوویی.

پانێڵەکە لەلایەن (مامۆستای یاریدەدەر عەلی تاهیر لەتیف) بەڕێوەبرا.

لە پانێڵی دووەمدا، کە لەلایەن (د.سەرحەد محەمەد سەمین) بەڕێوەبرا و دوو توێژەر بەشدارییانکرد:

١- د.مەجید ساڵح - ڕاوێژکار لە پەرلەمانی کوردستان، ناونیشانی بابەت: ڕه‌نگدانه‌وه‌ى مێژووى سه‌لاحه‌دينى ئه‌يوبى له‌ناو ڕۆژنامه‌نووسیی كوردی له‌ نيوسه‌ده‌دا (1898-1948).

٢- پرۆفیسۆری یاریدەدەر د.زریان حاجی - مامۆستا لە زانکۆی سلێمانی، ناونیشانی بابەت: سەلاحەدینی ئەیوبی جوامێرێکی بێ وێنەی کورد، شرۆڤەیەکی زانستی لەبەر ڕۆشنایی بەڵگە و تۆمارە مێژوویی و شوێنەوارییەکان.

لە دیدارەکەدا، کە ژمارەیەک بەرچاو لە میوانان و مامۆستایان و خوێندکاران و فەرمانبەرانی زانکۆ ئامادەیبوون، پاش پرسیار و گفتوگۆ و ڕاگۆینەوەی ئامادەبووان لەگەڵ پانێڵستەکاندا، لە کۆتاییدا خەڵاتی ڕێزلێنانی زانکۆی گەرمیان لەلایەن (پرۆفیسۆر د.ئاراس فەریق زەینەڵ) سەرۆکی زانکۆوە پێشکەش بە پانێڵستەکان کرا.