ڕۆژی یەکشەممە (٤ى ئایاری ٢٠٢٥)، بەشى چالاکی وەرزشی و هونەریی زانکۆی گەرمیان، بە هاوبەشى لەگەڵ نەخۆشخانەى لایفی تایبەت، وۆرکشۆپێکی زانستییان بەناونیشانی (فریاگوزاری سەرەتایی پێکانە وەرزشییەکان و ڕۆڵی چارەسەری سروشتی) ڕێکخست.
وۆرکشۆپەکە کە لە هۆڵی (شێرکۆ بێکەس) لە کۆلێجی پەروەردەى بنەڕەت بە ئامادەبوونی ژمارەیەک لە مامۆستایان و خوێندکاران بەڕێوەچوو، هەریەکە لە (مامۆستای یاریدەدەرکاروان ئەحمەد کەریم، مامۆستای یاریدەدەر سیڤان سەروەت فەقێ و کۆمار مەحمود محەمەد) بەشێوەى تیۆری و پراکتیکی فریاگوزاری سەرەتاییان بۆ ئامادەبووان ڕوونکردەوە.