بەبۆنەی هاتنی جەژنی نەورۆز و سەری ساڵی نوێی کوردییەوە، گەرمترین پیرۆزبایی ئاراستەی تەواوی گەلی کوردستان بەگشتی و مامۆستایان و خوێندکاران و فەرمانبەرانی زانکۆی گەرمیان بە تایبەتی دەکەین.
نەورۆز، وەک هێمای سەرهەڵدان و نوێبوونەوە، مەشخەڵی هیوا و بەرخودان، بەشێکی گرنگ و بنەڕەتییە لە کەلتوور و ناسنامەی نەتەوەیی کورد، لەهەمان کاتیشدا هێمای خۆڕاگرییە لەدژی زوڵم و چەوساندنەوە.
لەم بۆنە پیرۆزەدا، پەیمان نوێ دەکەینەوە بۆ بەردەوامبوون لە هەوڵ و کۆششمان بۆ بەرزترکردنەوەی ئاستی زانستی و ئەکادیمی زانکۆمان و خزمەتکردنی کۆمەڵگا و نەتەوەکەمان.
جارێکی دیکە نەورۆزتان پیرۆز بێت و ئومێدی ساڵێکی نوێی پڕ لە سەرکەوتن و بەختەوەری بۆ هەموو لایەک دەخوازین.
سەرۆکایەتی زانکۆی گەرمیان
٢٠ـی ئازاری ٢٠٢٥