ڕۆژی دووشەممە (١٧ـی ئازاری ٢٠٢٥)، زانکۆی گەرمیان بە چەند چالاکییەک یادی (٣٧)هەمین ساڵیادی کیمیابارانی هەڵەبجە بەناونیشانی ( دیداری هەڵەبجە ) دەکاتەوە.
چالاکییەکان کاتژمێر (١٠:٣٠)ی سەرلەبەیانی لە هۆڵی شێروانەی کۆلێجی زانست، لەلایەن سەنتەری جینۆسایدی زانکۆوە بەڕێوەدەبرێت و تێیدا چەند پارچە شیعرێک دەخوێندرێتەوە و و فیلمێکی دۆکیومێنتاری نمایش دەکرێت، دواتریش پانێڵێکی زانستی ئەنجامدەدرێت، کە لە سێ ڕەهەندی جیاوازەوە باس لە پرۆسەی کیمیاباران و لێکەوتەکانی لە ڕووی سیاسی و میدیایی و ژینگەییەوە دەکرێت.