ڕۆژی پێنجشەممە (٢٠ـی شوباتی ٢٠٢٥)، بەبۆنەی (ڕۆژی جیهانیی دادپەروەریی کۆمەڵایەتی)یەوە، وۆرکشۆپێکی نێودەوڵەتیی بەناونیشانی ( کەلتور و ڕەهەندەکانی دادپەروەریی کۆمەڵایەتی و پێکەوەژیان) لەلایەن بەڕێوەبەرایەتی دڵنیایی جۆری و پەرەپێدانی پرۆگرامەکان ئەنجامدرا.
لە وۆرکشۆپەکەدا، کە لەهۆڵی (شێرکۆ بێکەس)ی کۆلێجی پەروەردەی بنەڕەت بەڕێوەچوو، (پرۆفیسۆری یاریدەدەر د.محەمەد ئیبراهیم خەلیل) یاریدەدەری سەرۆکی زانکۆ بۆ کاروباری زانستی و خوێندنی باڵا و ژمارەیەک لە مامۆستایان و خوێندکاران ئامادەبوون.
هەریەکە لە (پرۆفیسۆر د.کەمال خالق پەنا، پرۆفیسۆر د سەعید خانی، مامۆستای یاریدەدەر هاوار کەریم) لە سێ لایەنی جیاوازە باسیان لە دادپەروەریی کۆمەڵایەتی کرد، دواتریش بڕوانامەی ڕێزلێنان پێشکەش بە پێشکەشکارانی وۆرکشۆپەکە کرا.