ڕۆژی چوارشەممە (١٨ـی کانونی یەکەمی ٢٠٢٤)، تیمی زانكۆی گه‌رمیان بۆ به‌ره‌نگاربوونه‌وه‌ی ماده هۆشبه‌ره‌كان و كارتێكه‌ره عه‌قڵییه‌كان، وۆركشۆپێكی زانستیی به‌ناونیشانی "كاریگه‌ریی ماده هۆشبه‌ره‌كان و كارتێكه‌ره عه‌قڵییه‌كان له‌سه‌ر تاك و كۆمه‌ڵگه" ئەنجامدا.
لە وۆرکشۆپەکەدا، کە (پرۆفیسۆر د.ئاراس فەریق زەینەڵ) سەرۆکی زانکۆی گەرمیان و (پرۆفیسۆری یاریدەدەر د.عەدنان مەحمود ساڵح) ڕاگری کۆلێجی زانست و ژمارەیەک لە مامۆستایان و خوێندکاران ئامادەیبوون، لە چوار ڕەهەند و لایەنی جیاوازەوە، باس لە مەترسی و کاریگەرییەکانی مادە هۆشبەرەکان لەسەر تاک و کۆمەڵگە کرا.
لە تەوەری یەکەمدا (م.پشتیوان حه‌مید) مامۆستا لە بەشی یاسا، سیمینارێکی بەناونیشانی (ماده هۆشبه‌ره‌كان و كارتێكه‌ره عه‌قڵییه‌كان، چه‌مك و هه‌ڵوێستی یاسا) پێشکەشکرد. دواتر (پرۆفیسۆر.د. عیماد محه‌مه‌د) پسپۆڕ له اصول الفقه، باسی لە هەڵوێستی ئایین لەوبارەیەوەکرد.
لە دوو تەوەری کۆتاییشدا، مه‌ترسییه‌كانی ماده هۆشبه‌ره‌كان و كارتێكه‌ره عه‌قڵییه‌كان له‌سه‌ر ته‌ندرووستی مرۆڤ، لەلایەن (م.ی. ئه‌ركان محه‌مه‌د) بەڕێوەبەری تەندروستی و سەلامەتی زانکۆمان خرایەڕوو، هەروەها (د.سەرحەد محەمەد سەمین) ئاماژەی بە مه‌ترسییه‌كانی ماده هۆشبه‌ره‌كان و كارتێكه‌ره عه‌قڵییه‌كان له‌سه‌ر تاک و كۆمه‌ڵگه کرد.
بڕیارە لە ماوەی داهاتووشدا، تیمی زانكۆی گه‌رمیان بۆ به‌ره‌نگاربوونه‌وه‌ی ماده هۆشبه‌ره‌كان و كارتێكه‌ره عه‌قڵییه‌كان، چەندین کار و چالاکی زانستی دیکە ئەنجامبدات.