بەمەبەستی پاڵپشتی و هاندانی ستافی مامۆستایانی زانکۆی گەرمیان بۆ برەودان بە چالاکییە زانستیی و ئەکادیمییەکان، سەرۆکایەتی زانکۆ خەڵاتی توێژەری سەرکەوتوو دەکات.
لە نوسراوێکدا کە لەلایەن نوسینەی سەرۆکی زانکۆوە ئاراستەی سەرجەم کۆلێج و بەشەکان کراوە، پێوەرەکانی خەڵاتکردنی توێژەری سەرکەوتوو بۆ ساڵانی خوێندنی (٢٠٢٢-٢٠٢٣) و (٢٠٢٣-٢٠٢٤) بەمشێوەی خوارەوە دەبێت:
١- ئەو (١٠) مامۆستایەی کە زۆرترین سایتەیشنیان لە گۆگڵ سکۆلەر هەیە.
٢- ئەو مامۆستایانەی کە کتێبیان نوسیوە، یان لە پسپۆڕی خۆیاندا بەشداربوونە لە نوسینی کتێب.
٣- ئەو مامۆستایانەی لە بڵاوکردنەوەی پەیپەرە نایابەکاندا بەشداربوونە.
٤- ئەو مامۆستایانەی بڕوانامەی داهێنان (براءة الاختراع) بەدەستهێناوە.
٥- ئەو مامۆستایانەی لەساڵێکی خوێندندا (٣) سێ توێژینەوەی لە پسپۆڕی مرۆڤایەتییدا لە گۆڤارە باوەڕپێکراوەکان بڵاوکردووەتەوە.
٦- ئەو مامۆستایانەی لە ساڵێکی خوێندندا (٢) دوو توێژینەوەی بڵاوکراوەیان هەبێت لە پسپۆڕی مرۆڤایەتی، یان زانستییەکاندا و لە کلاریڤەیت و خاوەنی فاکتەری کاریگەر بێت.
٧- ئەو مامۆستایانەی لە ساڵێکی خوێندندا (٣) سێ توێژینەوەی بڵاوکراوەیان هەبێت لە پسپۆڕی مرۆڤایەتی، یان زانستییەکاندا و لە سکۆپەس و گۆگڵ سکۆلەر تۆمار کرابێت.
هەر مامۆستا و توێژەرێکی زانکۆمان کە مەرج و پێوەرەکان دەیگرێتەوە، دەتوانێت لەڕێگەی ئەو فۆرمە ئەلیکترۆنیەی خوارەوە، زانیارییە داواکراوەکان پڕبکاتەوە.