پاش نیوەرۆی ئەمرۆ یەکشەممە ٢٨ـی تەموزی ٢٠٢٤ بە ئامادەبوونی (پ.د.فەرھاد قادر)سەرۆکی زانکۆی گەرمیان و (پ.د.عزالدین جمعە دەرویش)یاریدەدەری سەرۆکی زانکۆ بۆ کاروباری کارگێری و دارایی گۆڕانکاری لە دوو پۆستی ئیداری زانکۆ ئەنجامدرا.
ھەریەکە لە (پ.ی.د.محەمەد ئیبراھیم خەلیل)وەکو یاریدەدەری سەرۆکی زانکۆ بۆ کاروباری زانستی و خوێندنی باڵا و (پ.ی.د.عەدنان مەحمود صالح )وەکو ڕاگری کۆلێجی زانست دەستبەکاربوون.
سەرۆکی زانکۆ سوپاس و دەستخۆشی لە ھەریەکە لە (پ.ی.د. یادگار عەلی مەحمود) و (پ.د.عمر یونس) کرد کە لەماوەی چەند ساڵی ڕابردوو لەپۆستەکانیان خزمەتی زانکۆیان کردووە و ھیوای سەرکەوتنی بۆ خواستن لە کاروانی زانستییان.
ھەروەھا پیرۆزبایی لە ھەریەکە لە (پ.ی.د.محەمەد ئیبراھیم خەلیل) و (پ.ی.د.عەدنان مەحمود صالح ) کرد ھیوای سەرکەوتنی بۆ خواستن لە پۆستەکانیان،ھەروەک داوای لێکردن بە گیانی بەرپرسیارێتی،دەستبەکاربوونیان لەخزمەت زانکۆ و بەرەوپێش چوونی زانستی زانکۆدا بخەنە گڕ.
سەرۆکی زانکۆ جەختی لەوەکردەوە کە پاڵپشت و پشتیوانی ھەردوو ناوبراو دەبن بۆ سەرخستنی کارەکانیان و بەرەوپێش چوونی کەرتی خوێندنی باڵا لە گەرمیاندا.