ڕۆژی یەکشەممە (٦ـی نیسانی ٢٠٢٥)، (عەمید وەلید خالید) بەڕێوەبەری ئاسایشی گەرمیان، سەردانی زانکۆی گەرمیانی کرد و لەلایەن (پرۆفیسۆر د.ئاراس فەریق زەینەڵ) سەرۆکی زانکۆوە پێشوازی لێکرا.
لە دیدارێکدا کە یاریدەدەرانی سەرۆکی زانکۆ ئامادەیبوون، گفتوگۆ لەبارەی گرنگی هەماهەنگی و پتەوکردنی پەیوەندی نێوان ناوەندە ئەکادیمییەکان و دەزگا ئەمنییەکان کرایەوە و هەردوولا هاوڕابوون لەسەر پێویستی هۆشیارکردنەوەی هاوڵاتیان لەو مەترسییانەی ڕووبەڕووی کۆمەڵگە و بەتایبەتیش گەنجان دەبێتەوە، لەنێویاندا مادە هۆشبەرەکان.