چوارەمین كۆنفرانسی زانستیی نێوده‌وڵه‌تی زانکۆی گەرمیان بە دروشمی (له پێناو ئێستا و ئاینده‌یه‌كی گه‌شتر بۆ گه‌رمیان) بەسەركەوتویی كۆتایی بەکارەکانی هات.
ئەمرۆ دووشەممە ٤ ـی ئازاری٢٠٢٤ دوابەدوای پێشکەشکردنی توێژینەوەکانی ڕۆژی دووەمی چوارمین كۆنفرانسی زانستیی نێوده‌وڵه‌تی زانکۆی گەرمیان کە بەھەماھەنگی لەگەڵ دامەزراوەی سەرۆک(جەلال تاڵەبانی)، بە دروشمی (له پێناو ئێستا و ئاینده‌یه‌كی گه‌شتر بۆ گه‌رمیان) لەژێر ناونیشانی: ( گه‌رمیان له كایه‌ی زانسته مرۆڤایه‌تییه‌كاندا) بەکۆتا ھات.
لە ماوەی دوو ڕۆژی کۆنفرانسەکەدا ٤٨ توێژینەوەی پێشکەشکران کە توێژینەوەکان لە ١٧ زانکۆ و پەیمانگە بە زمانەکانی کوردی، عەرەبی ، ئینگلیزی ، فارسی بەشداربووی کۆنفرانسەکە بوون.
لە وتەیەکدا سەرۆکی زانکۆی گەرمیان (پ.د. فەرھاد قادر) بەخێرھاتنی میوانانی کۆنفرانسەکەی کرد و داوای لێبوردنی کرد لە ھەر کەموکورتیەک کە روویدا بێت ، سوپاس و دەستخۆشی لە لیژنەکانی کۆنفرانس کرد کە بەسەرکەوتوی کۆتاییان بە کارەکانی کۆنفرانسەکە ھێنا ئاماژەی بەوەکرد کە زانکۆی گەرمیان ساڵانە ھەوڵ دەدات کاری ھاوشێوە و باشتر پێشکەش بکات بۆ خزمەتکردنی ناوچەکە لە ھەموو بوارەکان بەتایبەت خزمەتکردنی کەرتی پەروەردە خوێندنی باڵا.
لەکۆنفرانسەکەدا ژمارەیەکی زۆر توێژینەوە لە وڵاتانی ئەوروپا و تورکیا و میسر و ئێران و عێراق بەشداری کۆنفرانسەکە بوون.
لە کۆتایی کارەکانی کۆنفرانس، سەرپەرشتیارانی کۆنفرانسەکە ھیوایان خواست لە ساڵانی داھاتوودا کۆنفرانسەکە بەردەوامی ھەبێت، دواتریش چەند خاڵێك وەك ئەنجام و ڕاسپاردەكانی كۆنفرانسەكە لەلایەن (پ.د.دارا حەمید) سەرۆکی لیژنەی زانستی کۆنفرانس خرایە ڕوو، کەدەکرێت لە داھاتوودا لە ئەو بوارانەی کە کۆنفرانسەکە دەیگرێتەوە کاری لەسەربکرێت.