ئەمرۆ سێشەممە ڕێکەوتی (٢٠ـی ئابی ٢٠٢٤) وەرکشۆپێکی زانستی لە ژێر ناونیشانی: "بنیاتنانی پەروەردەی کارسازی" لە هۆڵی چالاکی کۆلێجی زانست ئەنجامدرا.

وەرکشۆپەکە بەئامادەبوونی(پ.ی.د. محمد ابراهیم) یاریدەدەری سەرۆکی زانکۆ بۆ کاروباری زانستی و (پ.ی.د. عدنان محمود) ڕاگری کۆلێجی زانست و (پ.ی.د. کۆمار نعمت) ڕاگری کۆلێجی پەروردەی بنەڕەت و ژمارەیەکی بەرچاو لەسەرۆک بەش و مامۆستایانی زانکۆ بەڕێوەچوو.

وەرکشۆپە بەئامانجی ئاشناکردنی ئامادەبووان بوو بەکارەکانی سەنتەری کارسازی زانکۆی گەرمیان و ئەو هەنگاوانەی تا ئێستا ئەنجامدراوە و ئاشناکردنی بەشداربووان بە ڕەشنووسی پرۆگرامەکانی سەنتەری کارسازی و وەرگرتنی فیدباکی بەشداربووان لەسەر سەنتەرەکە.

وەرکشۆپە لەلایەن پێنج مامۆستای ڕاهێنراو  (د. عمر محمود امین، م، دریڤان جلال عبدالله، م. بیابان نوری ڕۆستم، م. چنور مەحمود فتاح و م. هەردی احمد کریم) کە ڕاھێنەری بواری کارسازین لە زانکۆی گەرمیان بە ھەماھەنگی لەگەڵ ڕێکخراوی ئایرێکسی ئەمریکی و سەنتەری کارسازی زانکۆی (MIT) پێشکەشکرا.

جێگای ئاماژەییە، دامەزراندنی سەنتەری کارسازی زانکۆی گەرمیان، پرۆژەیەکە زانکۆی گەرمیان لەگەڵ ڕێکخراوی ئایرێکسی ئەمریکی و بە سەرپەشتی سەنتەری کارسازی زانکۆی (MIT) ئەمریکی بەدەستی هێناوە. ئەم پرۆژەیە ماوەی ساڵ و نیوێک دەخایەنێت لەگەڵ هاوبەشەکان لەزانکۆی (MIT) و تاوەکو ئێستا نیوەی کارەکانی پرۆژەکە ئەنجام دراوە.

لەکۆتایی وەرکشۆپەکەدا لەپاش گفتوگۆکردن،  فیدباکی مامۆستایان وەرگیرا بەمەبەستی بەرچاوڕوونی زیاتر بۆ هەنگاوەکانی داهاتووی پرۆژەکە.