ھەڵەبجە زامێکی ساڕێژ نەبوو و ئازارێکی لەیاد نەچوە و ئەمڕۆش بەخەمێکی قوڵ و شکۆوە یادی کیمیابارانکردنی ھەڵەبجە دەکەینەوە .
ئەمڕۆ ٣٦ ساڵ بەسەر کیمیابارانکردنی هەڵەبجە لەلایەن رژێمی بەعسی روخاو تێدەپەڕێت ، کە بوە هۆی شەهیدبونی زیاتر لە پێنج هەزار هاوڵاتی و هەزاران برینداری لە شارەکەدا .
ئەو مەرگەساتە تاوەکو ئێستاش زامێکی قوڵە و لەجەستەی ھەموو کوردێکی بەشەرەفدا و سارێژ نەبووە .
٣٦ ساڵ بەر لەئەمڕۆ ھەناسەی مرۆڤەکان و سەرجەم گیاندارانی ھەڵەبجەی ئەزیز تێکەڵ بە گژو گیاو و بۆنی سێوی کیمیاوی ڕێژکراو بوون و بەیەکجار ھەزاران رووحی بێتاوانی مرۆڤ و گیانداران بەرزبوونەوە بۆ ئاسمان.
لەیادی ئەو تراجیدیا شوومەدا ، هەزاران سڵاو لەرووحی پاکی شەھیدانی ھەڵەبجە ، سەرشۆڕی بۆ دوژمنانی نەتەوەکەمان.
سەرۆکایەتی زانکۆی گەرمیان