لە ڕێكەوتی 8/8/2018 بە فەرمانی ژمارە (1155)ی وەزارەتی خوێندنی باڵاو توێژینەوەی زانستی سەنتەرەكانی یەكسانی جێندەری لە سەرجەم زانكۆكانی هەرێمی كوردستان كرایەوە.
ئامانج:
كاردەكات بۆ پرسی جێندەر و یەكسانی لە نێوان ڕەگەزی نێر و مێ و ئاشناكردنی خوێندكارانی زانكۆ بەو پرسە لە چوارچێوەی وانەیەكی زانستی و تیۆری وەك وانەیەكی بنەڕەتی لە ناوەندە ئەكادیمییەكاندا. هەروەها ئاشنا كردنی مامۆستایان و فەرمانبەران و خوێندكارانی زانكۆ بە هەموو ئەو بابەتانەی پەیوەندییان بە یەكسانی و دادپەروەری و مافی مرۆڤ و یەكسانی لە پلەكانی كاركردندا لە سەرجەم بوارەكاندا هەیە لە ڕێگەی توێژینەوەی زانستی و كۆنفرانس و چالاكی جۆراوجۆر.
سەنتەری یەكسانی جێندەری لە زانكۆی گەرمیان هاوشان لە گەڵ تەواوی سەنتەرەكانی سەرجەم زانكۆكانی هەرێمی كوردستان هەڵگری هەمان پەیام و ئامانجی بەرنامەی كاری وەزارەتی خوێندنی باڵا و توێژینەوەی زانستییە و ساڵانە چەندین چالاكی ئەنجام دەدات لە پێناو ئاشناكردنی مامۆستایان و فەرمانبەران و خوێندكارانی زانكۆمان بە یەكسانی و دادپەروەری و ماف و ئەركی نێوان ئەو دوو ڕەگەزە، هەروەها لە پێناو خزمەتكردنی خوێندكاران بە هەردوو ڕەگەزەوە ساڵانە چەندین خول و چالاكی لە بوارە جیاجیاكاندا دەكاتەوە.
هەیكەل:-
سەنتەری یەكسانی جێندەری تەنها لە بەڕێوەبەرایەتییەك پێكهاتووە.
شوێن: سەرۆكایەتی زانكۆی گەرمیان 2
ناوی بەڕێوەبەر: بیان حمە طاهر فقی محمد
فەرمانبەر: نییە
ئیمێڵ: نییە
سایت: نییە