ئەمرۆ دووشەممە ١٥ـی نیسانی ٢٠٢٤ لە ڕۆژی جیھانی ھونەربەڕێز(قوباد تاڵەبانی) جێگری سەرۆکی ئەنجومەنی وەزیرانی حکومەتی ھەرێمی کوردستان سەردانی زانکۆی گەرمیانی کرد و لەلایەن (پ.د.فەرھاد قادر) سەرۆکی زانکۆ و مامۆستایان و فەرمانبەران و خوێندکاران پێشوازییەکی گەرمی لێکرا.
لە سەردانەکەیدا سەرۆکی زانکۆ کۆمەڵێک چالاکی ھونەری بەسەرکردەوە کە لە زانکۆی گەرمیان ڕێکخرابوو.
لەوانە؛
پێشانگای شێوەکاری هاوبەشی خوێندکارانی زانکۆ و پەیمانگای هونەرە جوانەکانی کفری و خانەقین و سەنتەری چالاکی گەنجانی کەلار.
پێشانگای شێوەکاری گەلەری بەیان مانی بۆ کۆمەڵێک لە هونەرمەندانی کوردستان .
پێشانگای کچانی دەستڕەنگینی رێکخراوی گوڵەمێخەک .
دواتر بەشداربوو لە چەند چالاکییەکی گۆرانی و شانۆیی کە لەلایەن گروپی میوزکی سەنتەری چالاکی گەنجانی کەلار و تیپی شانۆیی سیروان و تیپی شانۆیی پەیمانگای هونەرە جوانەکانی کفری ڕێکخرا بوو.